Wolves vs Chelsea highlights: Noni Madueke score hattrick as di Blues defeat Wolves for Premier League game – BBC

Wia dis foto come from, Getty Images
Noni Madueke score hattrick from similar position for Chelsea as dem waya Wolves 6-2.
Cole Palmer do three correct assists for Madueke to put di Blues for comfortable lead ova Wolverhampton Wanderers for dia second Premier League game.
Dis na good day for Chelsea as Wolves no get chance to level di score wey make di Blues move up go for di EPL table.
Cole Palmer and Noni Madueke give very brilliant performance for di game wit correct positioning.
Madueke hat-trick give Chelsea dia first Premier League victory of di season.
Chelsea bin take di lead afta 98 seconds wen Cole Palmer corner touch Matheus Cunha and reach Nicolas Jackson wey nod am for di back of di post.
Rayan Ait-Nouri run to set up Cunha and di Brazilian equalise for Wolves wit a finish from inside di box.
Palmer den restore Chelsea lead wit a shot from 30 yards wen e see say Wolves goalkeeper Jose Sa dey off im line.
Wolves get demsef back for di second time shortly bifor di end of di second half wen Jorgen Strand Larsen shoot from di edge of di six-yard box afta one free-kick come from across goal.
Howeva, England Under-21 forward Madueke three goals settle di game for di Blues.
For di 80th minutes, Joao Felix score im first goal for Chelsea afta a good assist from Neto wey find for di center of di box.
One correct outside shot from Mario jnr bin give Wolves hope but e dey disallowed afta referee find say one player dey offside for inside Chelsea box.
Gusto and Palmer chop yellow card for middle of di game.
Wolves don move down di bottom of di Premier League table.
Wolves 2 – 6 Chelsea
FINAL WHISTLE
90+8mins- Wolves fans don run comot for stadium
90+6mins- Both teams in search of goals wey fit still make dia fan happy.
Eight Minutes added time
90mins- Felix stiil looking for more goals for di Blues fron di front
86mins- Lemina wit a great run wit di ball, looking for im teammate, but e lose di ball
SUBSTITUTION
Neto give correct assist for Felix to find di net
Wolves 2 – 6 Chelsea
80mins- Joao Felix score first goal for Chelsea
GOOAALLL
80mins- Ball back in play.
79mins- OFFSIDE position by Lemina
Wia dis foto come from, Getty Images
GOAL DISSALOWED
78mins- What a great shot by Mario jnr, great strike
77mins– Lemina wit di ball, finding an assist. Oh, Fofan stop am. Free kick for Wolves
SUBSTITUTION: Caicedo off,
Dis na anoda Palmer-Madueke link up wit di two winger finding space on di right. Wolves go always rememba dis goals as dem dey similar
72mins-
YELLOW CARD – Mosquera and Cucurella chop yellow card
69mins- Fofana in a quick rofor-rofor afta Mosquera give challenge
67mins- Chelsea don take control since di second half as Wolves dey try find diasef for di pitch
65mins- Very brilliant assist by Cole Palmer wey dey always find Madueke from di side and di two dey corporate well
63mins- Noni Madueke score for Chelsea again
GOOAALL
62mins- Good assist from Cole Palmer, find Noni Madueke
60mins- Chelsea dey strong from di middle and dem no dey give
Wolves 2 – 4 Chelsea
57mins- Madueke score again for Chelsea
GOOAALL
55mins- Great moves by Wolves, Lemina from di corner side, try a long shot but blocked by di defenders
51mins- Chelsea dey lead again. A quick free-kick wen Cole Palmer find Noni Madueke for di overlap and di shot deflect from goalkeeper Rayan Ait-Nouri and e enta
49mins- Madueke score for Chelsea
GOOAALL
47mins- Enzo and Cucurella wan dey cook some skills for di line side but Wolves players no gree. And dat na foul for Chelsea
Pedro Neto is in. Im get a warm ovation from di Wolves fans afta e enta for Chelsea.
46mins- Di match is back and di two teams dey find goals
SECOND HALF begins
Wia dis foto come from, Getty Images
FIRST HALF Ends
Dis na hot game
45+6mins – Jorgen Strand Larsen equalise for Wolves. Na good ball from Rayan Ait-Nouri and Toti Gomes nod am it back across goal and a good little finish from Strand Larsen.
Wolves 2 vs 2 Chelsea
Wolves don equalise oooo
GOOAALL
Corner for Chelsea. Trying to find more goals bifor di first half end
6+mins Added Time
Wolves 1 vs 2 Chelsea
44mins- Cole Palmer score for di Blues
GOAALLL
Palmer dey complain and e chop yellow card and di referee don warn am
YELLOW CARD for Cole Palmer
42mins- What a great chance for Wolves. Dis Cunha just miss a ball wey for be di second goal for Wolves
40mins- Cunha play di free kick for Wolves but e go ova di bar
39mins- YELLOW CARD for Gusto
38mins – Rayan Ait-Nouri gatz dey careful now wey be say e dey on yellow card and e no go wan comot for Wolves yet
31mins- Nicolas Jackson don dey get so much strenght to move wit di ball but Wolves defenders no gree
28mins- Chelsea moving wit fast speed to find goal again, Palmer get di ball, move wit a run but no for so long as di ball comot for im leg
Small gbege wan happun as Jackson dey vex but di referee don settle am. Di goal no be offside
Wolves 1 – 1 Chelsea
What a goal by Cunha for Wolves afta an impressive run and positioning
GOOOAALLL
23mins- What a tackle from Lemina against Chelsea player. Wolves dey find one goal for dia home to catch Chelsea by surprise
21mins- Mosquera putting di ball on di run for Wolves to find a gola wey go help dem equalise against Chelsea
19mins- Mudryk trying to find Madueke from di oda end of di pitch.
Corner for Chelsea
Dis match dey hot as both team dey find strong goal
17mins- Great shot by Madueke, but goalkeeper bock am. E no go through
15mins- What a goal by Cunha for di Wolves but e dey offside. referee cancel di goal
OFFSIDE
14mins – Strand Larsen trying to create chances from di back wit great moves. Toti take a long chance for Wolves but too long
13mins- Serious battle for Chelsea defence. Oh Colwill clear di ball go corner
10mins- Palmer get di ball, try some skills but e no go through. E no lose di ball. Counter for Wolves
What A Miss! Correct corner from Wolves but e no enta post.
7mins- Corner for Wolves Dem fit convert am to goal like Chelsea?
5mins – Wolves players dey strong for dis early half and dem gatz stay togeda
3mins- Wolves dey try settle dia defence line as Chelsea dey push dem back
Wolves 0 – 1 Chelsea
Nicolas Jackson give Chelsea di early lead.
GOOAALLL
Mudryk and Madueke dey try create chances for front of Wolves post
1mins- Di two teams dey ready to play correct football but na who win go decide.
Game don start oooooooooo
0mins – Di two teams don line-up.
FIRST HALF
Chelsea go face Wolverhampton Wanderers for dia second Premier League game today Sunday 25 August, 2024.
Di Blues go visit Molineux Stadium wia Wolves go host dem for dia home.
Wolves XI: Sa, Doherty, Mosquera, Toti, Ait-Nouri, Lemina, Joao Gomes, Cunha, Hwang, Bellegarde, Strand Larsen
Subs: Bentley, Bueno, Traore, Podence, Dawson, Gomes, Doyle, Sarabia, Guedes
Chelsea XI: Sanchez, Gusto, Colwill, Fofana, Cucurella, Caicedo, Fernandez, Madueke, Palmer, Mudryk, Jackson
Subs: Jorgensen, Adarabioyo, Badiashile, Neto, Felix, Nkunku, Dewsbury-Hall, Guiu, Veiga
Wia dis foto come from, Reuters
Wolverhampton Wanderers boss Gary O'Neil no get any new fitness issues as dem await Chelsea visit.
Nelson Semedo go miss out sake of suspension, while Leon Chiwome, Sasa Kalajdzic and Enso Gonzalez remain long-term players wey go dey absent.
Chelsea new signing Joao Felix go dey available to play, even head coach Enzo Maresca neva decide whether di Portugal player go start from di first half.
Reece James dey serve di third game of four-match suspension wey dem sama am afta dem send am off for di end of last season.
Wia dis foto come from, Getty Images
Head-to-head
Wolverhampton Wanderers don win di past three Premier League meetings, as many as dem play for ida previous 17 attempts (Draw 4, Lose 10).
Chelsea neva get any away win for four league games against Wolves since dia 5-2 victory for September 2019 under Frank Lampard (Draw 1, Lose 3).
Di Blues last win ova Wolves bin come for Stamford Bridge for October 2022 wit goals from Kai Havertz, Christian Pulisic and Armando Broja.
Wolverhampton Wanderers
Wolves don lose four successive Premier League games for di first time since dia run of six from May to August 2021.
Dem don win only one of dia last 12 competitive matches for all competitions since dia 2-1 top-flight home victory against Luton for April (Draw 2, Lose9).
Wolves no get any English player for dia line-up against Arsenal and dis na di first time wey e go happun for Premier League fixture.
Rayan Ait-Nouri wey be 23 years and 80 days fit become di youngest player to make 100 Premier League appearances for Wolves. Di record wey Pedro Neto of Chelsea dey currently hold.
Chelsea
If dem no defeat dia opponent, Chelsea fit lose dia opening two games of one league season for di first time since 1973-1974.
Enzo Maresca fit become di first Chelsea manager to lose first two top-flight fixtures for di club since Gianluca Vialli lose di first three for 1998.
Di Blues don fail to keep one clean sheet for any of dia last 18 away games for all competitions since dia 2-0 Premier League win for Fulham last October.
Goal for Pedro Neto go make am just di fourth player to net one Premier League goal for and against Wolves, afta Stephen Hunt, Diogo Jota and Morgan Gibbs-White.
Wit Chelsea over 40 players for dia squad, e never clear who and who go play as di club manager, Enzo Maresca don tok say make some of im team members go find club to join as dem no be part of im plan for di blues.
© 2025 BBC. De external site no concern BBC. De way wey we de take go external link.

source